Հայաստանի Հանրապետական կուսակցություն

 

«Սիրելի բուժաշխատողներ,

պատիվ ունեմ դիմելու ձեզ:

 

Դուք երևի թե լավագույնն եք հասկանում ցանկացած հիվանդի կարգավիճակը, և՛ հոգեբանական և՛ ֆիզիկական իմաստներով: Այսօր Հայաստանը, փոխաբերական իմաստով, հայտնվել է այն հիվանդի կարգավիճակում, որին անհապաղ բուժում է պետք: Այդ թվում նաև վիրահատական միջամտությամբ:

Թուրքական շտամով նիկոլիզմ կոչվող այս հիվանդությունը՝ ամբողջությամբ հյուծել, ներքին արյունահոսությամբ քայքայել և ուժասպառ է արել Հայաստան պետության բոլոր առողջ օրգանները: Ընդհուպ միջև փոշիացվել է Հայաստանի անվտանգության և ինքնապաշտպանական ողջ իմունային համակարգը:

Ես չեմ պատկերացնում, որ մտավորականության ներկայացուցիչ հանդիսացող թեկուզ մեկ բուժաշխատող, տեսնելով և գիտակցելով իր պետության այս ծայրահեղ ծանր վիճակը, գնա և ձայն տա այդ նույն հիվանդությանը: Այսինքն՝ նիկոլիզմին:

 

Նիկոլիզմ կոչվող հիվանդությունը, հունիսի 20-ին, քաղաքակիրթ և իրավական ճանապարհով, պետք է արմատախիլ արվի Հայաստան պետությունից: Այլապես՝ բոլոր բուժաշխատողները ևս, շատ շուտով, ստիպված են լինելու արձանագրել Հայաստան պետության կլինիկական մահը:

Սիրելի բուժաշխատողներ,

Խոսեք մարդկանց հետ, բացատրեք նիկոլիզմի կործանարար հետևանքները և ձեր ուժերի ներածին չափով թույլ մի տվեք, որ հունիսի 20-ին, այդ մեռնող հիվանդությունը նորից վերակենդանանա Հայաստան պետության օրգանական համակարգում:

Սա մասնագիտական, քաղաքացիական և ազգային պատվախնդրության հարց է:

Սա բոլոր առողջ քաղաքական ուժերի և քաղաքացիական գիտակցություն ունեցող մարդկանց պատվի հարցն է:

#Պատիվունեմ»: