Լուրեր
2021 թվի մայիսի 10-ին «արձակված» խորհրդարանը մեր երկրի պատմության մեջ կմնա որպես Արցախը ծախած․ Մարգարիտ Եսայան
11.05.2021
ԱԺ ՀՀԿ Մարգարիտ Եսայանը ֆեյսբուքյան իր էջում գրել է․
«Երեկ «արձակվեց» մի խորհրդարան, որը մեր երկրի պատմության մեջ մնալու է որպես ամենամոթալի, ամենախայտառակ, ամենադավաճան, ամենահակահայ, ամենացինիկ, ամենաինքնապարգեւատրված,ամենահողատու խորհրդարանը։ Որոշ անհատների մասին չեմ խոսում, իհարկե, կային հատուկենտ կարգին հայեր, բայց նրանք տրամադրություն եւ եղանակ չփոխեցին, չուզեցին կամ չկարողացան․․․
2021 թվի մայիսի 10-ին «արձակված» խորհրդարանը մեր երկրի պատմության մեջ կմնա որպես Արցախը ծախած, ՀՀ անվտանգությունը լրջորեն խաթարած, մեր երկրի սուվերենությունը ոչնչացրած, ոչ պրոֆեսիոնալ եւ ոչ մարդկային վարչապետի խորհրդարան։ Իհարկե, կապիտուլյացիայի թղթի տակ դավաճան-հողատուի ստորագրությունն է, առաջին մեղավորն ու պատասխանատուն նա է, բայց խորհրդարանը իր խոսքը այդպես էլ չասած, այդպես էլ չօգտվեց իրեն վերապահված մի շարք իրավունքներից, չհեռացրեց երկիր ծախածին, ինչպես եւ նույնը չարեց նախագահի աթոռին նստած անձը․․․․․․
Մինչդեռ, կարող էին եւ հնարավոր էր․․․
Այդուհանդերձ, երկիրը գնում է արտահերթ ընտրությունների․․Բարի ճանապարհ․․բոլորին․․
Միակ մաղթանքս հետեւյալն է՝ այլեւս երբեք չունենաք այսպիսի խորհրդարան․․․Այլեւս երբեք խորհրդարանը
չձեւավորվի, չընտրվի <պողոսների> ճաշակով․․․
Այլեւս ՝ երբեք․․․․»: