Լուրեր
Սա ազգային ողբերգություն է. Հովհաննես Սահակյան
15.12.2020
![](http://www.hhk.am/files/n_pics/18739_s.jpg)
Հովհաննես Սահակյանը ֆեյսբուքյան իր էջում գրել է.
«Հողատուի պատճառով՝ մարդիկ իրենց տները վառելու ու լքելու հետ մեկտեղ, իրենց հետ տանում են հարազատների գերեզմանաքարերը։
Սա ազգային ողբերգություն է , սա անմարդկային ստորություն է։
Այսօր բախվում ենք մի իրականության հետ, որտեղ մարդիկ պետությունից խնդրում են մի կտոր հող, լացելու մի տեղ․․․
2014 թվականի հունիսի 3-ին ադրբեջանական դիվերսիոն խմբի գործողությունների հետևանքով՝ առևանգված այնուհետ դաժանաբար սպանված 16-ամյա Սմբատ Ցականյանի ընտանիքը՝ Քարվաճառից ստիպված հեռանալով, որդու գերեզմանաքարն ու հուշարձանը իր հետ բերել է քաղաք Վարդենիս և այժմ ընտանիքի անդամները խնդրում են հատկացնել Եռաբլուր պանթեոնում մի փոքրիկ հատված՝ իրենց սպանված որդու գերեզմանաքարը տեղադրելու նպատակով։
Այո՛, դա այն 16-ամյա պատանին էր, որին դաժանաբար սպանած հանցագործները երեկ փոխանակվեցին մեր ռազմական և քաղաքացիական 44 գերիների հետ։
Քանզի երկրում այլևս չկա իշխանություն, իմ պարտքն եմ համարում բարձրաձայնել և ԶԼՄ ներկայացուցիչների ուշադրությունը հրավիրել՝ այս ցավալի ու ողբերգական հարցին լուծում տալու նպատակով։
Դիմում եմ նաև միակ լեգիտիմ ու աշխատող կառույցին՝ ՀՀ Մարդու իրավունքների պաշտպանի գրասենյակի ներկայացուցիչներին ՝ ի դեմս ՄԻՊ Արման Թաթոյանին՝ խնդիրն ամենօրյա ուշադրության կենտրոնում պահելու համար»։