Հայաստանի Հանրապետական կուսակցություն

 

«Լուկաշենկոն փորձում էր համոզել Սերժ Սարգսյանին՝ հետ վերադարձնել 7 շրջանները։ Հիմնավորումն այն էր, որ Ալիևը պատրաստ է Հայաստանին տալ 5 մլրդ ԱՄՆ դոլար։ Սերժ Սարգսյանը պատասխանում է, որ պատրաստ է 6 մլրդ տալ Ալիևին, եթե ադրբեջանը հրաժարվի 7 շրջաններից՝ հիմնավորելով, որ այդ տարածքների ազատագրման համար շուրջ 5000 մարդ է զոհվել։

 

Հիմա Նիկոլը և իր էմիսարներն ունե՞ն 7 շրջանները, գումարած Շուշի - Հադրութ բոնուսն Ալիևին հանձնելու բացատրությունը։ Արդյո՞ք դա էր պատճառը, որ Նիկոլը բանակցությունները տարավ դեպի պատերազմ։ Արդյո՞ք դա էր պատճառը, որ Նիկոլի իշխանությունն ամբողջովին ձախողեց պետության պաշտպանության կառավարումը։

 

Արդյոք հետագայում ի հայտ չե՞ն գալու փաստեր, թե ինչու՞ է Նիկոլը հանձնել հողերը՝ տալով 5000-ից ավելի զոհեր և շուրջ 10000 վիրավորներ ու անհետ կորածներ»։