Լուրեր
Ի՞նչ իմանային հայրենասեր գյումրեցիները, որ 32 տարի անց Արցախը դառնալու իրենց սեփական պետության դավադիր ղեկավարության զոհ. Աշոտյան
07.12.2020
ՀՀԿ փոխնախագահ Արմեն Աշոտյանը ֆեյսբուքյան իր էջում գրել է.
«Շատերը գիտեն, որ երբ Սպիտակի ավերիչ երկրաշարժից հետո Խորհրդային Միության ղեկավար Գորբաչովը այցելեց աղետի գոտի, հարազատներ, տներ, երեխաներ եւ ծնողներ կորցրած մարդիկ անգամ այդ ծանրագույն պահին նրան հարցեր էին ուղղում Արցախի մասին։
Դա շատ էր զայրացրել եւ զարմացրել Գորբաչովին, որ նույնիսկ անձնական վշտի մեջ հայերը չէին մոռանում իրենց հայրենիքի մի մասի եւ ազգային հարցերի մասին։
Ի՞նչ իմանային հայրենասեր գյումրեցիները, որ 32 տարի անց Արցախը դառնալու իրենց սեփական պետության դավադիր ղեկավարության զոհ։
Լույս իջնի երկրաշարժի զոհերի շիրիմներին...»: