Լուրեր
Մի կրակեք լրագրողներին. Մարգարիտ Եսայան
02.10.2020
ԱԺ ՀՀԿ նախկին պատգամավոր Մարգարիտ Եսայանը ֆեյսբուքյան իր էջում գրել է.
«Մի կրակեք լրագրողներին
Հոկտեմբերի 1-ին Արցախի Մարտունի քաղաքի քաղաքապետարանի շենքում գտնվող մի խումբ լրագրողներ ենթարկվել են ադրբեջանական հրետակոծության, կան վիրավորներ, ավելի շատ տուժել են ֆրանսիացի լրագրողները։Մեր բժիշկներին ,բարեբախտաբար, հաջողվել է օգնել նրանց։
Ընդ որում, լրագրողների մեքենաների վրա եղել է PRESS գրություն, իսկ սա նշանակում է, որ թշնամին հատուկ է ընտրել նշանակետը եւ անամոթաբար կրակել է լրագրողների վրա․․
Ակնհայտ է, որ իր սանձազերծած պատերազմում թշնամին չի էլ ուզում պահպանել պատերազմական օրենքները եւ կրակում է ոչ միայն խաղաղ բնակչության, ծերերի եւ երեխաների ուղղությամբ, այլեւ՝ լրագրողների․․․
Բոլոր լրագրողներին մաղթում եմ ապաքինվեն եւ նորից վերադառնան իրենց աշխատանքին․․․
ՀԱՂԹԵԼՈՒ ԵՆՔ, չկասկածեք․․․
Հ․ Գ․ Այս եւ մյուս բոլոր փաստերը կհավաքվեն եւ շուտով Ադրբեջանը կկանգնի միջազգային դատարանի առաջ․․․․․»: