Հայաստանի Հանրապետական կուսակցություն

ԱԺ ՀՀԿ նախկին պատգամավոր Մարգարիտ Եսայանը ֆեյսբուքյան իր էջում գրել է.

«Կազմակերպեք, պլանավորեք ներգաղթը, ձեռք մեկնեք Բեյրութին

Աու՜՜՜, Հայաստանի Հանրապետությունը չունի՞ կառավարություն, չունի՞ Ազգային Ժողով, չունի՞ նախագահ, չունի՞ Սփյուռքի հարցերով հանձնակատար․․
Էս ի՞նչ եք սսկվել, Լիբանանում մեր ամենամեծ, ամենանվիրված, ամենասրտով համայքներից մեկն է, հայկական Սփյուռքի ամենանվիրյալ մասը, ի՞նչ եք անում որպես պետություն մեր հայրենակիցների համար, տուժած Բեյրութի համար․․.

Շուտով Ֆրանսիայի նախագահ Մակրոնը կթռչի Բեյրութ, արդեն հումանիտար ինքնաթիռներ են ուղարկվել, ԵՄ-ն արդեն բազմաթիվ մասնագետներ, փրկարարներ է ուղարկել, Ֆրանսիայի նախագահը հայտարարել է, որ կազմակերպվում է համաեվրոպական աջակցություն տուժած Լիբանանին, Արցախի Հանրապետությունը հայտարարեց, որ պատրաստ է ընդունել բեյրութահայ մեր հայրենակիցներին, իսկ ՀՀ կառավարությունը ի՞նչ է անում, մի կիսատ խոսել է Լիբանանի վարչապետի հետ ու՝ վե՞րջ, էսքան բա՞ն։

Այ, անհասիկներ, առաջինը մենք ենք պարտավոր հասնել մեր համարյա հարեւան պետությանը, մեր հայրենակիցներին, իսկ մենք ի՞նչ ենք անում․․․

Բա կազմակերպեք, պլանավորեք ներգաղթը․․բա գործ արեք․․․չեք կարո՞ղ, թե՝ չեք ուզում, գուցե «հոգեկան խիստ հուզմունքի» վիճակո՞ւմ եք․․․»: