Հայաստանի Հանրապետական կուսակցություն

 

 «Իմ կարծիքով արտակարգ դրությունը երկարաձգվում է ոչ այնքան  առողջապահական նպատակներից ելնելով, որքան քաղաքական: Ես հասկանում եմ, որ օրվա իշխանությունը այսօր մտահոգ է, մարդկանց համբերության բաժակը արդեն լցվում է և չեն ուզում այս վիճակը հանդուրժել: Սակայն սա երկար չի կարող տևել, մարդիկ աշխատելու և սոցիալական խնդիրներ լուծելու պահանջ ունեն և իշխանությունը ոչ միայն չի աջակցում քաղաքացիներին, այլև սեղմած է պահում: Ես այստեղ եմ, որովհետև Ռուբեն Մելիքյանին շատ հարգում եմ, համարում եմ մեր օրերի լավագույն իրավապաշտպաններից մեկը և համարում եմ որ իր քայլերը օրենքի շրջանակում են իրականացվել»:

Մարգարիտ Եսայանը նշեց, որ ակցիային իր ներկայությունը բողոք է առ այն, որ ոստիկանությունը և իշխանությունը սխալ գործողություններ են իրականացնում:

 

 

«Ես վստահ եմ, որ քաղաքացիների հիասթափությունը մեծանում է: Վստահ եմ, որ մարդիկ ընդվզելու են: Արդեն տեսնում ենք ընդվզումներ, կառավարության մոտ  սոցիալական խմբերի բողոքներ: Եթե դու մարդկանց համարժեքը չես տալիս և խանգարում ես նրանց աշխատել, բնականաբար, այդ մարդիկ պետք է ընդվզեն: Իհարկե, բարդ իրավիճակ է, բայց այսօրվա իշխանության քայլերը ես չեմ համարում ստեղծված իրավիճակին համարժեք և մարդասիրական»,- նշեց նա: