Հայաստանի Հանրապետական կուսակցություն

 

«Մեր պատմության խառը այս ժամանակաշրջանում, երբ բարոյականությունը, մարդկային որակները ոտքի տակ ընկած, անպետք մի բան են դառնում, պետք է առնվազն փորձել չաղտոտվել այն էժանագին քաղաքական ճահճի մեջ, որ անկախ մեր կամքից թելադրվում է:

 

Հիմա մոդա է չէ՞, քաղաքական պատասխանատուները ասում են՝ մենք ինչ անենք, որ մարդիկ վատն են, մենք մեղավոր չենք, որ մենք պուպուշն ու լավն ենք, մյուսները՝ քըխն ու վատը:

 

Վարչապետ Անդրանիկ Մարգարյանը տարիներ առաջ նոր-նոր քաղաքականություն մտնող երիտասարդիս սովորեցրեց չտրվել իշխանության գայթակղությանը:

 

Ուրեմն այսպես, ֆիլմ էր նկարահանվում Ազգային միացյալ կուսակցության մասին: 1960-ականներին հիմնադրված այս ուժը Հայաստանի անկախության համար պայքարի խորհրդանիշներից է, որի անդամներն իրենց նվիրումով, սովետական գուլակներում հանուն հայրենիքի գաղափարին տված կենսագրությամբ լեգենդներ են:

 

Նրանցից էր Անդրանիկ Մարգարյանը, ում որպես վարչապետի, թերեւս իշխանությանը հաճոյանալու նպատակով առաջարկվեց սցենարից հանել նախկին գաղափարակից ընկերոջ, այդ պահին վարչապետի սուր քննադատ անձի հիշատակումը:

 

Մարգարյանը նկատեց խմբագրումը եւ նույն թղթի վրա գրեց. « Երբեք չսրբագրեք պատմությունը՝ անկախ մոդայից եւ իշխանությունից»:

 

Ֆիլմում ներառվեց նշված անձի կենսագրությունն ու անուրանալի ծառայությունը հայրենիքին:

 

Հիմա Մարգարյանը մեզ հետ չէ, բայց մեզնից շատերի հետ մնացին նախ մարդ, նաեւ «ես»-ից դուրս հայրենիք սիրող պետական գործիչ մնալու բարդ արվեստի սերմերը:

 

Դրանք պետք է պտղաբերեն անգամ մոդայի ու «քյարի» հաշվարկի, համատարած բարոյական անկման, մեծամտության որոմի մեջ:

 

Ծնունդդ շնորհավոր, սիրելի պրն. Մարգարյան»: