Հայաստանի Հանրապետական կուսակցություն

 

Ի թիվս արտակարգ դրության պայմաններում մի շարք սահմանափակումների, լուրջ տեղ ունեն նաեւ ԶԼՄ-ներին ուղղված սահմանափակումները։

 

Այսպես ինտերնետում եւ մամուլում հրապարակումների սահմանափակումների մասով, պարետը նշել է․«Եթե անձիք եւ զանգվածային լրատվության միջոցները ինտերնետում, այդ թվում` սոցիալական ցանցերում կամ այլ ձեւով ցանկանում են տեղեկատվական նյութ տեղադրել կորոնավիրուսի վարակման առկա եւ նոր դեպքերի, անձանց առողջական վիճակի, վարակի աղբյուրների, մեկուսացվածների քանակի մասին, ապա պետք է օգտվեն բացառապես պարետատան կողմից տրամադրված պաշտոնական տեղեկատվությունից եւ հղում կատարեն դրան ու հնարավորինս վերարտադրեն այն: Նրանց հրապարակումները չեն կարող հակասել պաշտոնական տեղեկատվությանը: Նույնը նաեւ վերաբերում է այնպիսի տեղեկություններին, որոնք հանգեցնում են խուճապի կամ խուճապային իրադրություն ստեղծելու վտանգ են պարունակում: Նման հրապարակումները ենթակա են անհապաղ վերացման այն կատարած անձանց կողմից»:

 

Ինչպես եւ զգուշացրել էի երեկ․ սիրելի լրագրողներ, ժողովրդական խոսքով ասած․«Ջաններդ յուղեք> ահագին տանջալից է դառնալու ձեր աշխատանքը, իրոք՝ արտակարգ։ Պիտի դիմանաք, «չդիմացողներին եւ դիմադրողներին» կառավարությունը զգուշացնում է․«Արտակարգ դրության ժամանակ արտակարգ դրության իրավական ռեժիմը խախտելը, այսինքն՝ սահմանված միջոցառումներին եւ սահմանափակումների չենթարկվելը հանգեցնում է վարչական պատասխանատվության»:

 

Ասում էի, չէ՞ այս արտակարգ դրության թիվ մեկ տանջվողները հիվանդներից ու բժիշկներից հետո, կամ, նրանց հավասար, դուք եք լինելու․․․։

 

Բայց, մի ընկճվեք, գարունը գալիս է․․․»: