Լուրեր
«Ընդդիմադիր գործունեություն ձեւացնելը օրգազմ ձեւացնել չի՝ մենակ բղավելով չի ստացվի». Հայկ Մամիջանյան
18.01.2020
ՀՀԿ Երիտասարդական կազմակերպության ղեկավար Հայկ Մամիջանյանը ֆեյսբուքյան իր էջում գրել է․
«ՀՀ ԱԺ ամենաԿԱԽՅԱԼ պատգամավոր Արման Բաբաջանյանը նոր բարձունքներ է նվաճում…
Ախր ընդդիմադիր գործունեություն ձեւացնելը օրգազմ ձեւացնել չի՝ մենակ բղավելով չի ստացվի։
Պարոն Բաբաջանյան, ես ինձ վատ մարդ չեմ համարում եւ Սերժ Սարգսյանը իմ քաղաքական թիմի ղեկավարն է։
Պետական պաշտոն չեմ զբաղացնում, բայց իր առաջարկով ինձ վստահվել է Հայաստանի ամենամեծ երիտասարդական քաղաքական կառույցներից մեկի՝ ՀՀԿ երիտասարդական կազմակերպության ղեկը։ Ի թիվս լիքը այլ բաների՝ ես իրենից սովորել եմ տոկունություն, համբերատարություն եւ խոհեմություն։
Կա մի բան, որում ես հարյուր տոկոսով վստահ եմ ՝ իր ցուցումները եւ հանձնարարությունները կատարելիս ես երբեք չեմ կատարի որեւէ գործողություն, որը կարող է վնասել մեր երկրին։
Լսել եմ, որ կուսակցություն եք փորձում հիմնել։ Իսկ ի՞նչ են սովորելու Ձեր կուսակցության երիտասարդները Ձեզանից. սուտ մատնություն անե՞լ, մահացած երիտասարդ սպայի վրա քաղաքական դիվիդենտ հավաքե՞լ, քաղաքական թիմեր փոխե՞լ, ընդդիմություն ձեւանա՞լ։
Ու չգրեք, որ ասեցիք ու հարձակվեցի՝ այսպես ես ընդամենը մարզվում եմ…
ՀԳ
Գիտեմ, որ լրատվականներին ծանր կացության մեջ եմ դնում իմ հրապարակային խոսքին ոչ բնորոշ բառապաշար օգտագործելով...
Խնդրում եմ ներողամիտ լինել»։