Հայաստանի Հանրապետական կուսակցություն

 

«ԱԱԾ հայտարարությունը օտարերկրյա գործակալի մասին տեղին էր, սակայն գործնականում` անպտուղ:

 

Գովելի է, որ ԱԱԾ աշխատակիցներին և կառույցը վարկաբեկող անձին ցույց եք տվել իր տեղը: Դրանով բարձր եք պահել համակարգի պատիվը, ծառայողների և սպաների օրնիբուն նվիրված տքնաջան աշխատանքը: Սակայն, ԱԱԾ-ն «Պապ թագավորի» կամ «Հռոմի պապի» քաղաքական բռնակալական պատվերները և հակաօրինական հրամանները նույնպես չպետք է կատարի, քանի որ դա նույնպես վնասում է ԱԱԾ վարկանիշին: ԱԱԾ- ի գործը չէ սատանայի առեղծվածային փնտրտուքով զբաղվելը, ՍԴ նախագահի երեխաներին, հարազատներին ԱԱԾ պադվալներ հրավիրելը և այլն:

Ձեր հայտարարության մեջ նշում եք.-«Հայաստանում տեղի ունեցած հեղափոխությունից հետո.....»:

 

Չե՞ք կարծում, որ սխալ արտահայտություն է, որ ՀՀ-ում հեղափոխություն չի եղել, ՀՀ-ում եղել է իշխանազավթում: Եվ դրա շահառուներից է եղել նաև Ձեր կողմից մատնանշված սորոսի գործակալը` իրենց ողջ բանդայով:

Կարծում եմ կգա ժամանակը, որ ԱԱԾ-ն կզբաղվի իշխանազավթման, հասարակության պառակտման, կրոնի և Եկեղեցու, պետականության, օրենսդիր և դատական իշխանության վրա հարձակման կոչ հնչեցրածների գործերով»: