Հայաստանի Հանրապետական կուսակցություն

ՀՀԿ խոսնակ Էդուարդ Շարմազանովը ֆեյսբուքյան իր էջում գրել է.

 

«Ռուսաստանի Դաշնության Արմավիրի մարզի դումայի պատգամավորներից մեկը /անունը միտումնավոր չեմ հիշատակում/ ներկել է եկեղեցու բակում տեղադրված Գարեգին Նժդեհի հուշաքարը:

 

Այս վանդալիստական ակտը արդյունք է հականժդեհական պառանոյիկ քարոզի, որ վերջին շրջանում իրականացվում է մեր դաշնակից ու եղբայրական պետության որոշ շրջանակների կողմից:

 

Այս խուլիգանական արարքը դատապարտելի է եւ կարծում եմ նախեւառաջ պետք է դատապարտվի հենց Ռուսաստանի իշխանությունների կողմից: Ցանկացած փորձ Նժդեհին ներկայացնել որպես հակառուս եւ նացիզմի ջատագով, անթույլատրելի է եւ ստանալու է իր արժանի պատասխանը:

 

Հ.Գ. Հայ ցեղակրոնի դաշնակիցը ռուս մեծ ժողովուրդն է

Գարեգին Նժդեհ

 

Հ.Հ.Գ. Հեռու մնացեք Նժդեհից: Նժդեհը մեր ազգի համար հերոս է այնպես, ինչպես ռուսների համար Սուվորովը»: