Լուրեր
Սերժ Սարգսյանի ձերբակալման քաղաքական որոշումը ոչ թե կասեցվել է, այլ սառեցվել է
03.09.2019
Մոտ երկու շաբաթ առաջ Սերժ Սարգսյանի փեսա Միքայել Մինասյանը հարցազրույց էր տվել ու կանխատեսել, որ Սերժ Սարգսյանին կարող է շուտով ձերբակալեն։ «Պարզ հաշվարկը հուշում է, որ առաջիկայում Սերժ Սարգսյանին կձերբակալեն՝ հանրությանը մի որոշ ժամանակով էլ իրական խնդիրներից շեղելու համար»,-ասել էր նա։ Ապա ՀՀԿ-ականները մեկը մյուսի հետևից սկսեցին «ավետել», թե շուտով Սերժ Սարգսյանին կձերբակալեն՝ համացանցում աղմուկ բարձրացնելով։ Բայց դա տեղի չունեցավ։ Փոխարենը ԱԱԾ-ն ձերբակալեց Սերժ Սարգսյանի իշխանության ամենակարկառուն ու ամենամիլիոնատեր պաշտոնյաներից մեկին՝ ՊԵԿ նախկին նախագահ Գագիկ Խաչատրյանին՝ թերևս փորձելով դրանով շեղել հանրության ուշադրությունը Ամուլսարի թեմայից։ Բայց, ըստ տեղեկությունների, իշխանությունները, իրականում, ամենավերին օղակների մակարդակով Սերժ Սարգսյանին ձերբակալելու քաղաքական որոշում ունեին կայացրած, սակայն ինչ-ինչ պատճառներով նրանք հետ կանգնեցին դրանից։ Ասում են, որ հենց փեսայի՝ Միքայել Մինասյանի բարձրացած աղմուկն ու կանխատեսումը դեր խաղաց, որ իշխանությունները հետ կանգնեն իրենց մտադրությունից կամ գոնե առժամանակ կասեցնեն Սերժ Սարգսյանին ձերբակալելու որոշումը։