Լուրեր
«Ավելի լավ է ոչինչ չանել, քան ոչնչացնել տասնամյակներով կառուցածը». Շարմազանովը՝ Փաշինյանին
16.07.2019
ՀՀԿ խոսնակ Էդուարդ Շարմազանովը ֆեյսբուքյան իր էջում գրել է.
«Ավելի լավ է ոչինչ չանել, քան անել ոչինչ
Դասականի այս խոսքերը ըստ էության բնորոշում են Փաշինյանի քաղաքականությունը:
Խոստացավ Արցախի վերադարձը բանակցային սեղան, ստացանք հակահայկական հայտարարություններ:
Խոստացավ տնտեսական հեղափոխություն, ստացանք ոչինչ:
Խոստացավ ներգաղթ, արտագաղթն ավելացավ:
Խոստացավ ներդրումներ, ունեցանք ներդրումային անկում:
Խոստացավ սոցիալական վիճակի բարելավում, ստացանք գնաճ:
Հռչակեց սեր և համերաշխություն, ունեցանք սևեր և սպիտակներ:
Խոստացավ ժողովրդավարություն, ստացանք դիկտատուրա:
Հ.Գ. Ավելի լավ է ոչինչ չանել, քան ոչնչացնել տասնամյակներով կառուցածը»: