Հայաստանի Հանրապետական կուսակցություն

Հոկտեմբերի 14-ից 16-ը Հայաստանի Հանրապետական կուսակցության երիտասարդական կազմակերպության անդամները մասնակցել են Ազգային ժողովրդավարական ինստիտուտ (National Democratic Institute) միջազգային կազմակերպության «Քաղաքական կազմակերպման և քարոզչության դպրոցի» 3-րդ փուլին:

 

Հանրային կարծիքի ուսումնասիրություն, քաղաքական հաղորդակցություն՝ ռազամավարություն, սոցիալական ցանցեր, հանրային խոսքի հմտություններ, ԶԼՄ-ների հետ աշխատանք և ընտրողների հետ շփում. դասըթացավարները ոլորտի լավագույն մասնագետներն էին ինչպես Հայաստանից, այնպես էլ այլ երկրներից՝ Սեմ Սմութ, Շերիլ Օաթս, Սամվել Մարտիրոսյան: 

 

Ծրագրին մասնակցել են երիտասարդներ Հայաստանի Հանրապետական կուսակցությունից և մի շարք այլ քաղաքական ուժերից:

  

3 փուլից բաղկացած դասընթացների առաջին փուլում մասնակիցները ծանոթացել էին քաղաքական կազմակերպման, ընտրարշավի հիմնադրույթների, առաջնորդության, ռազմական պլանավորման, քաղաքական հիմնական ընտրողների հետ հաղորդակցության նրբություններին:

  

Երկրորդ փուլում, կիրառելով ստացած գիտելիքները, ներկայացրել էին նախընտրական շրջանում  իրենց կուսակցությունների նպատակներն ու ծրագերը, արձանագրած առաջընթացն ու մարտահրավերները:

 

Ծրագրի երեք փուլերում ստացած գիտելիքները մասնակիցները դասընթացի ընթացքում  ամրապնդել են թիմային և անհատական ելույթների, քաղաքական ուղերձների քննարկումների և վերլուծությունների միջոցով: