Հայաստանի Հանրապետական կուսակցություն

Սամվել Ֆարմանյանը ողջույնի  խոսքում նշեց, որ ողջունում է նման նախաձեռնությունը, քանի որ ակտիվ երիտասարդները ժամանակակից միտումների, արժեքների , ձգտումների կրողն են, և նման երիտասարդների հետ պետք է մշտապես հաղորդակցման տարբերակներ ստեղծել: Ըստ պատգամավորի՝ անհրաժեշտ է իմանալ, թե ինչով է շնչում երիտասարդությունը, ինչ սպասելիքներ ունի և ինչ արժեքների կրող է նա:

    

Ողջույնի խոսքից հետո ԱԺ պատգամավորը երիտասարդների հետ զրուցեց «ԵԽԽՎ-ն` որպես հայ-ադրբեջանական դիպլոմատիկ առճակատման հարթակ» թեմայի շուրջ, ինչպես նաև պատասխանեց ներկաների հարցերին:

Հաջորդ հյուր-փորձագետը թուրքագետ Լևոն Հովսեփյանն էր․ «Այս  ծրագիրն ինձ համար պարտավորեցնող և ոգևորիչ է, քանի որ այնպիսի ձևաչափ է, որտեղ գործ ունես հասարակության կարևորագույն շերտի՝ մեր երիտասարդության հետ, որտեղ քննարկումները դառնում են փոխշահավետ և անգամ փորձագետները դուրս են գալիս այստեղից ավելի հարստացած ու հագեցած՝ թե՛  հոգեպես և թե՛ ինտելեկտուալ առումով»-, նշեց թուրքագետը: 

Փորձագետի պատրաստած «case»–ի միջոցով մասնակիցները հնարավորություն ստացան ուժերը փորձել միջազգային քաղաքագիտական քննարկում-մրցույթում, որը կրում էր «Հայ-թուրքական արձանագրությունների կասեցումը» խորագիրը:

 Մրցութի արդյունքները կամփոփվեն ավելի ուշ, և հաղթող թիմն ու օրվա լավագույն մասնակիցը կպարգևատրվեն մրցանականերով: