Լուրեր
Կինը՝ քաղաքական դաշտում
15.11.2017
Հայաստանի հանրապետական կուսակցության երիտասարդական կազմակերպության մարզային կառույցների անդամները նախօրեին Երևանի Հայաթ Փլեյս հյուրանոցում մասնակցեցին Կոնդրադ Ադենաուեր և Էդուարդո Ֆրեյ հիմնադրամների կազմակերպած կանանց դասընթացին։ Ծրագրում ներգրավված էին Հայաստանի Հանրապետության 8 կուսակցությունների իգական սեռի ներկայացուցիչները։
Ծրագիրը միտված է քաղաքական դաշտում կանանց գործունեության ճիշտ կազմակերպմանն ու արդյունավետ աշխատանքին։
Երկօրյա դասընթացի շրջանակներում հայ և հոլանդացի դասընթացավարները քննարկեցին կանանց դերն ու ներգրավվածությունը քաղաքական դաշտում, խոսեցին քաղաքական գործընթացների ժամանակ սպասվելիք խոչընդոտների, դրական ու բացասական կողմերի և դրանց կարևորության մասին։
Դասընթացավարները ներկայացրեցին Հայաստանի Հանրապետության կառավարման մարմիններում կանանց ներգրավվածությունը և վերջին տարիների վիճակագրությունը։
Միջազգային մասնագետները կազմակերպեցին քաղաքական սիմույլացիոն խաղեր և առաջադրանքներ՝ համապաստխան քաղաքական հմտությունների զարգացման նպատակով։
