Հայաստանի Հանրապետական կուսակցություն

ՀՀԿ Գավառի շրջանային կազմակերպության գրասենյակում տեղի ունեցավ ՀՀԿ Գավառի շրջանային կազմակերպության խորհրդի նիստ, որը վարում էր ՀՀԿ Գեղարքունիքի Տարածքային Կազմակերպության խորհրդի նախագահի տեղակալ Անդրանիկ Հակոբյանը: Նիստին մասնակցում էին խորհրդի բոլոր անդամները:
Օրակարգում ներառված էին հետևյալ հարցերը.

1. ՀՀԿ Գավառի շրջանային կազմակերպության խորհրդի նախագահի հաշվետվություն /զեկ.՝ Գ. Բադալյան/
2. ՀՀԿ Գավառի շրջանային կազմակերպության խորհրդի նախագահի և տեղակալների ընտրություն
3. Այլ հարցեր

Համապատասխան օրակարգն հաստատվեց խորհրդի անդամների քվեարկությամբ:
Օրակարգի առաջին հարցի շրջանակներում զեկույցով հանդես եկավ ՀՀԿ Գավառի շրջանային կազմակերպության խորհրդի նախագահ Գարիկ Բադալյանը: Նա իր խոսքում անդրադարձավ 2015-2016թթ. շ/կ-ի կողմից կատարված աշխատանքներին, որոնք մասնակիցների կողմից գնահատվեց բավարար:

Օրակարգի երկրորդ հարցի շրջանակներում շ/կ խորհրդի անդամ, Լանջաղբյուր ս/կ-ի նախագահ Կարեն Հակոբյանն առաջադրեց Նորատուսի ս/կ նախագահի՝ Անդրանիկ Հակոբյանի թեկնածությունը: Առաջարկն անցավ միաձայն, բոլորը կողմ քվեարկեցին Անդրանիկ Հակոբյանի թեկնածությանը, ով էլ ընտրվեց ՀՀԿ Գավառի շ/կ խորհրդի նախագահ:

Շ/կ նախագահի տեղակալների թեկնածուներ առաջադրվեցին Լանջաղբյուրի ս/կ նախագահ Կարեն Հակոբյանն ու Սարուխանի ս/կ նախագահ Գարիկ Բադալյանը: Կարեն Հակոբյանն ու Գարիկ Բադալյանը միաձայն ընտրվեցին ՀՀԿ Գավառի շ/կ խորհրդի նախագահի տեղակալներ:

Օրակարգի երրորդ հարցի շրջանակներում քննարկվեցին կուսակցական շարքերի համալրման, անդամավճարների գանձման և կուսակցական գործունեությանը վերաբերվող կազմակերպչական այլ հարցեր: