Հայաստանի Հանրապետական կուսակցություն

Այսօր ՀՀԿ կանանց խորհրդի անդամները ՀՀԿ կանանց խորհրդի նախագահ, ԱԺ փոխնախագահ Հ. Նաղդալյանի գլխավորությամբ այցելեցին ՀՀԿ Արագածոտնի մարզային գրասենյակ, հանդիպեցին մարզի կանանց խորհուրդների նախագահների և ակտիվի հետ:
Մարզային կանանց խորհրդի նախագահ Վ. Գևորգյանը հանդիպման ընթացքում ներկայացրեց մարզում կատարվող կանանց խորհուրդների աշխատանքները և ծրագրերը, ինչպես նաև քննարկվեց Ապարանի շրջանային կազմակերպության կանանց խորհրդի նախագահի ընտրության հարցը:
ՀՀԿ կանանց խորհրդի նախագահ Հ. Նաղդալյանը, ողջունելով կատարվող աշխատանքները իր խոսքում նշեց, որ հիմնական շեշտը կանանց խորհրդի աշխատանքների մեջ պետք է դրվի կուսակցական կազմակերպչական և գաղափարա-քարոզչական աշխատանքների վրա, ինչպես նաև առաջիկա ՏԻՄ ընտրություններին կանանց ներգրավածությունը բարձրացնելուն:
Հյուրերին դիմավորեցին և ողջունեցին ՀՀԿ Արագածոտնի տարածքային կազմակերպության ներկայացուցիչները։