Հայաստանի Հանրապետական կուսակցություն

Մարտի 5-ը հասարակական-քաղաքական և ռազմական գործիչ, ՀՀ Ազգային հերոս, Արցախի հերոս Վազգեն Սարգսյանի ծննդյան օրն է: Սպարապետն այսօր կդառնար 57 տարեկան:

Ինչպես ամեն տարի, այս տարի ևս Հայաստանի հանրապետական կուսակցության երիտասարդական կազմակերպությունը Սպարապետի ծննդյան օրվա առթիվ միջոցառումներ է կազմակերպել:

Միջոցառումների շրջանակներում ՀՀԿ-ական երիտասարդներն այցելեցին Վազգեն Սարգսյանի անվան ռազմական ինստիտուտ և հարգանքի տուրք մատուցեցին Սպարապետի հիշատակին: Երիտասարդ ՀՀԿ-ականները ծաղկեպսակներ տեղադրեցին Սպարապետի արձանի առջև, այնուհետև շրջայց կատարեցին ռազմակական ինստիտուտի տարածքում, այցելեցին <<Փառքի սրահ>>:

Ինստիտուտի հրամանատարական կազմի ներկայացուցիչները, ուղեկցելով երիտասարդներին, պատմեցին ռազմական ինստիտուտի ստեղծման մասին` կարևորելով այդ գործում Սպարապետի ներդրած ջանքերը:
Երիտասարդ ՀՀԿ-ականները եղան նաև վերջերս զոհված զինծառայողների անունները կրող լսարաններում, որտեղ ստացան լսարանների վերաբերյալ սպառիչ տեղեկություններ: