Լուրեր
ՀՀԿ ԵԿ մասնակցությամբ կայացավ ԱՊՀ երրկրների երիտասարդ խորհրդարանականների համաժողովը
03.12.2015
Օրերս Սոչիում կայացավ ԱՊՀ երկրների երիտասարդ խորհրդարանականների համաժողովը, որին մասնակցում էին ԱՊՀ երկրների խորհրդարանական տարբեր ուժերի երիտասարդ ներկայացուցիչներ: Համաժողովին Հայաստանի հանրապետական կուսակցության Երիտասարդական կազմակերպությունը ներկայացնում էր Վարդուհի Սարգսյանը:
Համաժողովի նպատակն էր հնարավորություն ստեղծել ԱՊՀ երկրների երիտասարդ խորհրդարանականների միջև փորձի փոխանակման, խնդիրների վերհանման ու համատեղ ջանքերով լուծման հնարավոր ուղիների մշակման համար:
Ծրագրի շրջանակներում կայացավ լիագումար նիստ, որի ընթացքում ներկայացվեցին տարածաշրջանում առկա գլոբալ խնդիրներն ու հնարավորությունները:
Հաջորդիվ քննարկումներ անցկացվեցին հետևյալ 5 թեմատիկ աշխատանքային խմբերում` <<Առողջ երիտասարդություն-առողջ երկիր>>, <<Երիտասարդական քաղաքականությունը` որպես պետական կառավարման ռազմավարական բաղադրիչ>>, <<Երիտասարդական միավորումները` որպես երիտասարդության սոցիալական և քաղաքական ակտիվության արդյունավետ գործիք>>, <<Երիտասարդության ներգրավվածությունը տարածաշրջանի սոցիալ-տնտեսական զարգացման գործընթացում>> և <<Խորհրդային ժողովուրդների հաղթանակը Հայրենական մեծ պատերազմում>>:
Համաժողովի ավարտին տեղի ունեցավ քննարկումնեիի արդյունքների ամփոփում և տարածաշրջանային համագործակցության ու առկա խնդիրների համատեղ լուծման վերաբերյալ բանաձևի ընդունում: