Հայաստանի Հանրապետական կուսակցություն

 Մայիսի 19-ին Հայաստանի հանրապետական կուսակցության երիտասարդական կազմակերպությունը և Երևանի պետական բժշկական համալսարանի ուսանողական խորհրդարանը այցելեցին Ստեփանակերտ` բարձրացնելու երեխաների և դեռահասների տեղեկատվության մակարդակը առողջ ապրելակերպի վերաբերյալ։ Ծրագրի նպատակն էր սովորեցնել առաջին բուժօգնության ամենաանհրաժեշտ դրույթները դպրոցների ուսուցիչներին, կատարել երեխաների բուժզննում և կարիեսի պրոֆիլակտիկա։
Ծրագրի շրջանակներում դպրոցականները և մանկատան սաները բաժանվեցին տարիքային խմբերի`դասընթացների օգտավետության մաքսիմալ հնարավոր ցուցանիշն ապահովելու համար։
Յուրաքանչուր խմբի հետ աշխատեց համապատասխան անձնակազմ։ Անցկացվեցին կարճ թեստային հարցումներ դասընթացի սկզբում և ավարտին` դասընթացների օգտավետութան մասին ստատիստիկ տվյալներ ստանալու նպատակով։
Ուսուցչական անձնակազմի համար անցկացվեցին առաջին բուժօգնության պրակտիկ պարապմունքներ։

Ծրագրին մասնակցում էին նաև մի խումբ կլինիկական օրդինատորներ, ովքեր կատարեցին դպրոցականների և մանկատան սաների բուժզննում։
Ծրագիրը կշարունակվի ևս 2 օր: Նախատեսվում են այցեր Ասկերանի և Մարտակերտի թվով ութ դպրոցներ և Ստեփանակերտի «Զանգակ» մանկատուն: