Հայաստանի Հանրապետական կուսակցություն

 Ավարտվեցին գերմանական Կոնրադ Ադենաուեր հիմնադրամի կողմից ՀՀԿ-ական երիտասարդների համար կազմակերպված <<Քաղաքական առաջնորդություն և բանակցություն. տեսություն և պրակտիկա>> խորագրով դասընթացները:
Ծրագրի 3-րդ օրվա ընթացքում երիտասարդներն ամփոփեցին նախորդ 2 օրերի ընթացքում ստացած ինֆորմացիան, գիտելիքներն ու հմտությունները, կարծիքներ հայտնեցին նախաձեռնության վերաբերյալ, հանդես եկան առաջարկություններով հետագա ծրագրերի համար, այնուհետև որոշակի ձևաչափով գնահատում անցկացվեց դասընթացների և բանախոսների, ինչպես նաև կազմակերպչական հարցերի վերաբերյալ:
Ծրագրի ավարտին ԿԱՀ տարածաշրջանային ծրագրի գիտաշխատող Ֆլորիան Ֆեյերաբենդը և ՀՀԿ Երիտասարդական կազմակերպության ղեկավար Կարեն Ավագյանը երիտասարդներին հանձնեցին վկայականներ և շնորհավորեցին նրանց` կարևորագույն ձեռքբերման կապակցությամբ:
Հիշեցնենք, որ ծրագիրն ի սկզբանե նպատակ ուներ քաղաքական դաշտ մուտք գործող երիտասարդներին զինել համապատասխան տեսական և պրակտիկ գիտելիքներով` հնարավորինս նվազագույն բացթողումներով առավելագույնս ակտիվ և արդյունավետ գործունեություն ծավալելու համար: