Լուրեր
ՀՀ ԱԺ արտաքին հարաբերությունների մշտական հանձնաժողովի նախագահը հանդիպեց ԵՊՀ ուսանողների հետ
21.11.2013
Նոյեմբերի 21-ին ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը հանդիպեց Երեւանի պետական համալսարանի արեւելագիտության ֆակուլտետի ուսանողների հետ:
Արտակ Զաքարյանը օրենսդիր մարմնի աշխատանքներին եւ խորհրդարանական դիվանագիտությանը ծանոթանալու տեսանկյունից կարեւորեց նմանօրինակ հանդիպումները: Հանձնաժողովի նախագահն անդրադարձավ խորհրդարանական դիվանագիտության առանձնահատկություններին ու այդ ասպարեզում կատարվող քայլերին: Ըստ Արտակ Զաքարյանի՝ խորհդարանական դիվանագիտությունը կարեւոր գործիք է երկրի առանցքային խնդիրներն արտաքին աշխարհին ներկայացնելու համար:
ԱԺ արտաքին հարաբերությունների մշտական հանձնաժողովի նախագահը ապագա արեւելագետներին հանգամանորեն ներկայացրեց միջազգային խորհրդարանական կազմակերպություններում ԱԺ պատվիրակությունների գործունեությունն ու աշխատանքային առանձնահատկությունները:
Արտակ Զաքարյանը պատասխանեց ուսանողների հարցերին, որոնք հիմնականում վերաբերում էին ՀՀ արտաքին քաղաքականությանը, Հայաստան-ԵՄ հարաբերություններին, ինչպես նաեւ Հայաստանի՝ Մաքսային միությանը անդամակցելու որոշմանը:
Որոշվեց նման հանդիպումներն ավելի հաճախակի դարձնել: