Լուրեր
Մայրաքաղաքում շարունակվում են նոր նստարանների և աղբամանների տեղադրման աշխատանքները
22.07.2013
![](http://www.hhk.am/files/n_pics/5027_s.jpg)
Երևանի արտաքին տեսքի բարեկարգման ծրագրի շրջանակում արդեն երկրորդ տարին է՝ մայրաքաղաքի փողոցներում, այգիներում ու պուրակներում տեղադրվում են <<ԵՐԵՎԱՆ>> նշագրմամբ նոր հարմարավետ նստարաններ:
Երևանի համաչափ զարգացման համատեքստում, քաղաքապետ Տարոն Մարգարյանի հանձնարարությամբ, գործընթացը ներառել է մայրաքաղաքի բոլոր վարչական շրջանները:
2013թ. տարեսկզբից մինչ օրս մայրաքաղաքում արդեն իսկ տեղադրվել են շուրջ 550 նստարաններ:
Դրան զուգահեռ, ծրագրի շրջանակում մայրաքաղաքի փողոցներում, այգիներում ու պուրակներում շարունակվում են նաև նոր աղբամանների տեղադրման աշխատանքները: Ըստ այդմ, նույն ժամանակահատվածում արդեն իսկ տեղադրվել են նաև շուրջ 260 աղբամաններ: