Հայաստանի Հանրապետական կուսակցություն

Հարգելի պարոն Սուվարյան,

ջերմորեն շնորհավորում եմ Ձեզ ծննդյան 70-ամյակի առթիվ:

Ձեզ ճանաչում են որպես պրոֆեսիոնալի ու գիտնականի, ով ծանրակշիռ ներդրում ունի մեր երկրի տնտեսագիտական մտքի ու կրթական համակարգի զարգացման գործում եւ այսօր էլ շարունակում է նույն եռանդով մասնակցել մասնագետների նոր սերունդների պատրաստմանն ու դաստիարակմանը:

Ձեր բեղմնավոր գիտամանկավարժական գործունեության եւ մասնագիտությանը նվիրվածության շնորհիվ Հայաստանի պետական տնտեսագիտական համալսարանը տարիներ շարունակ եղել ու մնում է տնտեսագիտական առաջատար գիտակրթական կենտրոն, որի բարձրակարգ կադրերը մշտապես իրենց տեղն են գտնում տարբեր բնագավառներում Հայաստանում եւ նրա սահմաններից դուրս:

Համոզված եմ, որ Ձեր փորձը, եռանդը, պրոֆեսիոնալիզմը դեռ երկար տարիներ կծառայեցնեք մեր երկրի շահերին, ՀՊՏՀ հզորացմանն ու նվաճումների բազմապատկմանը:

Եւս մեկ անգամ շնորհավորելով Ձեզ ծննդյան հոբելյանի առթիվ՝ մաղթում եմ առողջություն, շարունակական եռանդ ու նորանոր ձեռքբերումներ Ձեր գործունեության մեջ: