Լուրեր
Տեղի է ունեցել ՀՀԿ Քանաքեռ-Զեյթունի տարածքային կազմակերպության կանանց խորհրդի նիստը
07.02.2013
Փետրվարի 7-ին տեղի ունեցավ ՀՀԿ Քանաքեռ-Զեյթունի տարածքային կազմակերպության կանանց խորհրդի նիստը: Նիստին մասնակցում էին ՀՀԿ կանանց խորհրդի նախագահ, ԱԺ փոխնախագահ Հերմինե Նաղդալյանը, գաղափարա-քարոզչական հանձնախմբի նախագահ Ռուզաննա Մուրադյանը, կանանց ձեռնարկատիրության հանձնախմբի նախագահ Նաիրա Նահապետյանը, ՀՀԿ Քանաքեռ-Զեյթունի տարածքային կազմակերպության նախագահ Գևորգ Ղազարյանը, կանանց խորհրդի նախագահ Մարինա Տոնոյանը: Քանաքեռ-Զեյթունի նորընտիր կանանց խորհրդի առաջին հանդիպումն էր ՀՀԿ կանանց խորհրդի հետ, որը նվիրված էր հիմնականում կանանց խորհրդի կազմի, կառուցվածքի, աշխատանքային ծրագրերի քննարկմանը: Հանդիպման ընթացքում քննարկվեց նախագահի նախընտրական ծրագիրը, քարոզչական աշխատանքների ընթացքը և կանանց մասնակցությունը դրանց:
Հաջորդ հանդիպումը նախատեսված է ՀՀԿ Աջափնյակի տարածքային կազմակերպությունում: