Հայաստանի Հանրապետական կուսակցություն

2012 թվականի հոկտեմբերի 26-ին տեղի ունեցավ ՀՀԿ Մեծամորի շրջանային կազմակերպության Դողս սկզբնական կազմակերպության ժողովը, որին 18 անդամներից մասնակցում էին 17-ը:
Սկզբնական կազմակերպության ժողովը վարեց սկզբնական կազմակերպության նախագահ Մեսրոպ Ադամյանը: Ժողովի օրակարգը հաստատվեց միաձայն:
Մեսրոպ Ադամյանն առաջարկեց Հայաստանի Հանրապետության Նախագահի թեկնածու առաջադրել գործող Նախագահ Սերժ Սարգսյանին:
Ներկա անդամները քվեարկեցին և հաստատեցին Սերժ Սարգսյանի թեկնածությունը՝ որպես ՀՀ Նախագահի թեկնածու:
Գոհար Ավետիսյանն առաջարկեց ՀՀԿ 14-րդ արտահերթ համագումարի պատվիրակի թեկնածու առաջադրել Արմեն Ահարոնյանին: Ներկաները քվեարկությամբ հաստատեցին Արմեն Ահարոնյանին՝ որպես ՀՀԿ 14-րդ արտահերթ համագումարի պատվիրակ: