Լուրեր
ՀՀ Ազգային ժողովի նախագահ Հովիկ Աբրահամյանն ընդունեց ԱՊՀ երիտասարդական միության խորհրդի նախագահին
05.10.2012
ՀՀ Ազգային ժողովի նախագահ Հովիկ Աբրահամյանը հոկտեմբերի 5-ին ընդունեց ԱՊՀ երիտասարդական միության խորհրդի նախագահ Անդրանիկ Նիկողոսյանին` վերջինիս խնդրանքով:
Հանդիպմանն անդրադարձ կատարվեց երիտասարդների հիմնահարցերին, սպորտի եւ մշակույթի բնագավառներում իրականացվող ծրագրերին եւ նախաձեռնություններին: Անդրանիկ Նիկողոսյանը տեղեկացրեց, որ հոկտեմբերի 12-ին Գյումրիում կբացվի երրորդ «Ռուսական գրքի տունը»: ԱՊՀ երիտասարդական միության խորհրդի նախագահը Հայաստանի խորհրդարանի ղեկավարին հրավիրեց մասնակցել բացման հանդիսավոր արարողությանը:
Հանդիպմանը քննարկվեցին նաեւ մշակութային համագործակցությանն առնչվող այլ հարցեր: