Հայաստանի Հանրապետական կուսակցություն

ՀՀԿ երիտասարդական կազմակերպությունը (ԵԿ) Սևանում օգոստոսի 31-ից սեպտեմբերի 2-ը Կոնրադ Ադենաուեր հիմնադրամի հայաստանյան ներկայացչության և Էդուարդո Ֆրայ հիմնադրամի հետ համատեղ իրականացրել է «Ներկուսակցական ժողովրդավարություն» թեմայով երկօրյա դասընթացներ:
Ծրագրին մասնակցեցին ՀՀԿ ԵԿ-ի ավելի քան 20 անդամներ։ Դասընթացների շրջանակներում քննարկվեցին բազմաթիվ հարցեր, մասնակիցները հնարավորություն ունենացան լսելու օտարազգի մասնագետների դասախոսություններ ներկուսակցական ժողովրդավարության, ինչպես նաև՝ հանրային խոսքի և որոշումների կայացման վերաբերյալ: Դասընթացների աշխատանքային լեզուն անգլերենն էր:
Մասնակիցներին ողջունեց ՀՀԿ ԵԿ ղեկավար Կարեն Ավագյանը, ով շնորհակալություն հայտնեց Կոնրադ Ադենաուեր հիմնադրամի հայաստանյան ներկայացուցչությանն ու Էդուարդո Ֆրայ հիմնադրամին՝ դասընթացն իրականացնելու համար:
Դասընթացի մասնակիցները հնարավորություն ունեցան հանդիպելու Հայաստանում Եվրամիության խորհրդատու Էդուարդո Լորենցոյին և նրա հետ քննարկելու ԵԺԿ-ի հետ համագործակցության բազմաթիվ հարցեր։ Հանդիպումներ եղան նաև Կոնրադ Ադենաուեր հիմնադրամի տարածաշրջանային ղեկավար Ջանան Աթիլգանի հետ։ Վերջինիս հետ քննարկվեցին ՀՀԿ ԵԿ-ի և Կոնրադ Ադենաուեր հիմնադամի հետագա ծրագրերը:
Հիշեցնենք, որ ՀՀԿ ԵԿ-ն շուրջ 5 տարի ակտիվորեն համագործակցում է Կոնրադ Ադենաուեր հիմնադրամի հայաստանյան ներկայացուցչության հետ: Համագործակցության արդյունքում իրականացվել են բազմաթիվ ծրագրեր ինչպես Հայաստանում, այնպես էլ՝ Հայաստանի սահմաններից դուրս: