Հայաստանի Հանրապետական կուսակցություն

Հուլիսի 4-ին ՀՀ Ազգային ժողովի նախագահ Հովիկ Աբրահամյանն ընդունեց ասմունքի հանրապետական մանկապատանեկան մրցույթ-փառատոնի ժյուրիի անդամ մի խումբ մտավորականների:

ԱԺ նախագահ Հովիկ Աբրահամյանի հովանու ներքո 5-րդ անգամ կանցկացվի ասմունքի հանրապետական մանկապատանեկան մրցույթ-փառատոն, որը այս անգամ նվիրված կլինի Եղիշե Չարենցի 115-ամյակին եւ Սայաթ Նովայի 300-ամյակին: Ժյուրիի անդամները Հովիկ Աբրահամյանին ներկայացրեցին փառատոնի նախապատրաստման ընթացքը: Նրանք ողջունելի համարեցին այն փաստը, որ տարեցտարի մասնակից աշակերտների թիվն ավելանում է եւ 6000-ից հասել է 135000-ի: ԱԺ նախագահը պատրաստակամություն հայտնեց այսուհետ եւս աջակցել փառատոնին:

Մտավորականները շնորհակալություն հայտնեցին Հովիկ Աբրահամյանին ` աջակցության ու հայ գրականության նկատմամբ հոգատար վերաբերմունքի համար եւ ներկայացրին իրենց առաջարկություններն ու տեսակետները:

Ասմունքի 5-րդ հանրապետական մանկապատանեկան մրցույթ-փառատոնի առաջին փուլը կմեկնարկի սեպտեմբերին: