Լուրեր
Շնորհանդես ՀՀ Սփյուռքի նախարարությունում
22.03.2012
![](http://www.hhk.am/files/n_pics/522_s.jpg)
Այսօր տեղի ունեցավ ՀՀ սփյուռքի նախարարության պատվերով եւ նախաձեռնությամբ տպագրված 18 գրքերի շնորհանդեսը, որի ընթացքում ՀՀ սփյուռքի նախարար Հրանուշ Հակոբյանը նշեց, որ այս ծրագրի իրականացմամբ նախարարությունը փորձում է ներկայացնել սփյուռքի հիմնախնդիրները:
«Ուրախ եմ, որ ծրագիրն իրականացավ Հայ գրատպության 500-ամյակին ընդառաջ»,- նշեց Հակոբյանը: Նա հրատարակված գրքերը, համաձայն թեմատիկայի, խմբավորեց երեք մասի` առաջին մասը նվիրված է Սփյուռքի համայնքների պատմությանը, մասնավորապես` Ռուսաստանի տարածքում:
Գրքերի երկրորդ խումբմ ամփոփում է Սփյուռքի նախարարության կողմից իրականացված գիտական համաժողովների, արեւմտահայերենի ուսուցմանը, սփյուռքի զարգացման հեռանկերներին վերաբերող նյութերը:
Երրորդ խմբում` «Գրական Սփյուռք» տարեգիրքն է, որտեղ ներկայացված են նախարարության բոլոր միջոցառումները եւ ծրագրերը:
«Ծրագիրը ցույց է տալիս, որ այն ուղղությունները, որոնց վրա աշխատում է նախարարությունը, հիմնվում են գիտնականների առաջարկությունների վրա»,- շեշտեց նախարարը: Նա նաեւ հավելեց, որ հայաստանյան եւ սփյուռքի գիտնականների կողմից բարձրաձայնվող խնդիրներն ապացուցում են, որ Սփյուռքը դառնում է հավերժ ներկայություն Հայաստանի հասարակական-սոցիալական, այլ ոլորտներում:
armenpress.am