Հայաստանի Հանրապետական կուսակցություն

 Պաշտպանության նախկին փոխնախարար Արտակ Զաքարյան չի բացառում, որ իշխանությունը նոր գաղտնի փաստաթուղթ է ստորագրել, որի հիման վրա քայլ առ քայլ, կտոր առ կտոր նոր տարածքներ է հանձնում Ադրբեջանին: Արտակ Զաքարյանի խոսքով, այս ամենից հետո, ամենայն հավանականությամբ, ասելու են, թե ժամանակն է դեմարկացիա անել, որովհետև, եթե դա արվեր դեմարկացիայի ժամանակ, դեմարկացիոն հանձնաժողովին ուղղված մեղադրանքներ էին հնչելու, թե ինչու ես տվել: Պաշտպանության նախկին փոխնախարարը շեշտում է՝ մի շարք կարևոր հատվածներում անհրաժեշտ է ամրացնել մեր պաշտպանական օղակները, ստեղծել բնագծեր, առաջին հերթին պատշաճ մարտական հերթապահություն իրականացնելու համար և, ամենակարևորը, ամբողջ հարավ-արևելյան հատվածում հնարավոր սադրանքների դեպքում գոնե առաջնային պաշտպանությունը ապահովելու համար: