Հայաստանի Հանրապետական կուսակցություն

 

Դավիթ Հարությունյանը, խոսելով Արցախում, Սյունիքում և Գեղարքունիքում տիրող լարված իրավիճակների, սահմանային լարվածությունների, ադրբեջանական զինուժի առաջխաղացումների, երկրի տնտեսական ծանր վիճակի, գործող իշխանությունների անկարողության և հանցավոր անգործության, ինչպես նաև արտահերթ խորհրդարանական ընտրությունների մասին՝ ասել է.

 

 «Տպավորություն է, որ մեր ինքնաթիռն ընկնում է, իսկ մենք զբաղված ենք օդաչու փնտրելով»:

Դ. Հարությունյանը համոզված է.

 

Ինֆորմացիոն վակուումի պարագայում՝ ծնվում են կասկածներ, ալեկոծվում է հասարակությունը:

Սահմանին ստեղծված իրավիճակի մասին ինֆորմացիայի պակասը, ոչ թափանցիկությունն ամենալուրջ հարվածն է մեր պետականությանը:

Մեզ դրսից պարտադրվել են խաղի կանոններ, և մենք պետք է փորձենք կատարել լավագույն քայլերը գործող իշխանությունների ստեղծած ծայրահեղ վատ իրավիճակում:

 

Նիկոլ Փաշինյանն արտաքին ուժերի թելադրանքով կարողանում է մանիպուլյացնել հասարակությանը:

Մանիպուլյացիոն փայլուն տեխնիկայի օրինակ՝ պատերազմի ժամանակ Փաշինյանը կոչ արեց կամավորներին գնալ առաջնագիծ՝ քաջ գիտակցելով, որ կարձագանքեն հայրենասերները, այսինքն՝ մարդիկ, որոնք վտանգ են ներկայացնում իշխանությունների համար:

Փաշինյանի մանիպուլյացիոն հնարքներից ևս մեկ օրինակ՝ մարդկանց ասա այն սուտը, որին իրենք կուզենային հավատալ:

Հասարակությանը սև ու սպիտակի բաժանումը թուլացրեց պետությունը. Արթուր Վանեցյանի կուսակցության հետ ՀՀԿ-ի միավորումը պառակտմանը վերջ տալու քայլ է:

Համագործակցություն հանուն երկրի, առանց նոր բաժանարար գծերի. «Հայրենիք»-ՀՀԿ դաշինքը հաշտեցման խորհուրդ ունի: