Հայաստանի Հանրապետական կուսակցություն

 

Բայց չէ որ 2015թ․ երբ ՀՀԿ-ի իշխանությունը Գ․Ծառուկյանին ստիպում էր փակել քաղաքականության էջը, տեղեկություններ էին շրջանառվում, թե գիշերը նրա որդիներին առևանգել են։ Գագիկ Ծառուկյանն ինքն է անձամբ հայտարարել, թե մի գիշերում իր 600-700 համակիրներին տարել են։

 

Ա․Աշոտյանն ասում է, թե նման զուգահեռների մասին չի խոսում անգամ ԲՀԿ-ն, և 2015թ․ նման լայնածավալ ռեպրեսիվ ապարատի գործադրում չի եղել։

 

«Այո եղել է էմոցիաների պոռթկում բոլոր կողմերից, ԲՀԿ-ի հետ մեր ջրերը միշտ չէ որ միասին են հոսել, բայց երբեք մենք մեզ թույլ չենք տվել հատել կարմիր գծերը»,- ասում է նա։

 

Նա նաև գտնում է, որ Ն․Փաշինյանը բազմաթիվ փաստերով պետք է պարտական լիներ Գ․Ծառուկյանին՝ վարչապետի պաշտոնում իր առաջադրումով, ընտանեկան միջոցառումներին մասնակցելու հրավերով։

 

«Երբ Ն․Փաշինյանն ու իր թիմը տժժում էին Մելաձեի երգի տակ Գ․Ծառուկյանի դստեր հարսանիքին։ Իսկ եթե Գ․Ծառուկյանը կալանավորվի, ԲՀԿ-ի համակիրներն ավելի են բորբոքվելու, չկալանավորելու դեպքում էլ կապացուցվի, որ Ն․Փաշինյանը հերթական անգամ ամպագոռգոռ խոսում է»,- հավելում է Ա․Աշոտյանը։

 

Վերջինս նաև վարչապետից պահանջում է հերքել Դուշամբեում կայացած հանդիպման վերաբերյալ Իլհամ Ալիևի արած հայտարարությունները․

 

«Ես ունեմ խորը կասկած, որ Ն․Փաշինյանի վրա կան կոմպրոմատներ, նա չի հերքում այդ հայտարարությունները։ Քարոզչական ճակատում Հայաստանը պարտվում է Ադրբեջանին»։

 

Ա․Աշոտյանը անդրադարձավ նաև հոկտեմբերի 8-ին ԲՀԿ, «Դաշնակցություն» և «Հայրենիք» կուսակցության հրավիրած հանրահավաքին և ասաց, որ ՀՀԿ-ում դրան մասնակցելու վերաբերյալ քննարկում չի եղել։

 

Ընդդիմադիր քաղաքական դաշտում տարբեր կուսակցություններ համագործակցության տարբեր քննարկումներ են անցկացնում, մինչդեռ ՀՀԿ-ն որևէ մեկի հետ չի հանդիպում։ Արդյոք դա չի նշանակո՞ւմ, որ խուսափում են ՀՀԿ-ի հետ համագործակցելուց։

 

«Անիմաստ է մեզ կռվացնել ԲՀԿ-ի, Վանեցյանի, Քոչարյանի հետ, ՀՀԿ-ն ինքնաբավ լինելով՝ միաժամանակ պատրաստ է համագործակցության օրակարգ մշակել ՀՀ ապագայի վերաբերյալ»,- Ասաց Ա․Աշոտյանը։

 

 

 

Մանրամասները՝  տեսանյութում