Հայաստանի Հանրապետական կուսակցություն

 

 

- Իմ համոզմամբ՝ ՌԴ արտգործնախարարն արտահայտել է ոչ միայն ռուսական կողմի դիրքորոշումը, այլ նաև ԵԱՀԿ ՄԽ մյուս համանախագահների: Հակառակ դեպքում Ֆրանսիայի կամ ԱՄՆ-ի ներկայացուցիչները հանդես կգային այլ հայտարարությամբ: Դա, ցավոք, ոչ թե լռություն է, այլ համաձայնության նշան: Որովհետև ինչ պայմանավորվածություն էլ որ եղած լիներ 2019թ.-ին, ինչպես նշել է նախարար Լավրովը, դրա մասին, անշուշտ, գիտեն նաև ԱՄՆ և ֆրանսիական համանախագահները: 

 

 

 

- Չեմ բացառում: Դա կախված կլինի հետագա զարգացումների ընթացքից: Շատ հնարավոր է, որ պաշտոնական Երևանը ներքին լսարանի համար հերքում է, այսպես կոչված, փուլային տարբերակը, բայց բանակցային գործընթացում շարունակում է քննարկումները՝ պահպանելով գաղտնիության սկզբունքը:

 

 

- Բնականաբար, Բաքուն շարունակաբար խեղաթյուրել է բանակցային գործընթացը, ոչ կառուցողական մոտեցումներ է ցուցաբերել ձեռք բերված պայմանավորվածությունների շուրջ: Նման օրինակներ կարելի է շատ թվարկել: Այդ իսկ պատճառով հայկական կողմը միշտ առանձնացել է իր կառուցողականությամբ և երբեք չի հայտնվել համանախագահների հետ հակադիր հայտարարությունների կամ խուսափողական դիրքերում: Մենք միշտ պարզ ու հստակ ենք եղել մեր բոլոր դիրքորոշումների մեջ՝ հիմնավորելով դրանք մեր երկրի կենսական շահերով: Ինչպես բանակցային գործընթացում, այնպես էլ հրապարակային արված մեր հայտարարությունները եղել են միանշանակ ու շատ հստակ:

 

 

 - Որոշ կուսակցությունների լռությունն իրոք տարօրինակ է: Դժվարանում եմ բացատրել դա: Ինչ վերաբերում է ՀՀԿ-ի հասցեին արված շահարկումներին, ապա դա առնվազն քաղաքական դեմագոգիա է: Մենք քննադատել ենք իշխանությունների՝ նախկինում բանակցված խնդիրների շուրջ կեղծ ու երեսպաշտ հայտարարությունները: Մենք մերժել ենք և մերժում ենք փուլային լուծման ցանկացած հնարավորություն: 

 

 

- Վերլուծաբաններն ամենատարբեր կարծիքներ են հնչեցրել, և դա նրանց իրավունքն է: Ե՛վ Արևմուտքում, և՛ Ռուսաստանում, և Հայաստանում, և՛ Ադրբեջանում վերլուծաբանները կոնֆլիկտի ողջ ընթացքում ամենատարբեր հրապարակային տեսակետներ են հայտնել: Դրանում եղել են ինչպես իրականությանը մոտ, այնպես էլ իրականությունից շատ հեռու մտքեր: Բաքուն բանակցային բլեֆի իր շահերն ունի, և դա արտահայտվել է ինչպես սեփական ժողովրդից թաքցնելու, այնպես էլ միջազգային հանրության հետ առևտուր անելու հարցերում: Հայաստանը մեկ հիմնական նպատակ ունի, և դա անբեկանելի է. Արցախի ժողովրդի ինքնորոշման իրավունքի իրացումն այլընտրանք չունի, և դրանից է սկսվում կարգավորման գործընթացը: Մնացյալ ոչ մի հարց չի կարող առաջնային լինել: Մենք հիմա հետամուտ ենք լինելու, որ մեր իշխանությունները չշեղվեն այս առանցքային հարցից և ոչ մի կերպ չներքաշվեն փուլային լուծման որևէ տարբերակի մեջ: Դա անդառնալի ու անթույլատրելի ծուղակ է: Բոլոր հարցերը պետք է լուծվեն մեկ ընդհանուր համաձայնությամբ ու միջազգային հստակ երաշխիքներով: Այս հարցում իշխանության հայտարարությունները պետք է միանշանակ լինեն: