Հայաստանի Հանրապետական կուսակցություն

 

 

«Բա եթե չեմ մասնակցելու, այստեղ ես ի՞նչ եմ անում: Ցուցակում չլինելը չի նշանակում՝ ընտրություններին չմասնակցել, իսկ ինչո՞ւ ցուցակում չեմ, ավելի ճիշտ, ինչո՞ւ ցուցակը ես չեմ գլխավորում, որովհետև տարրական քաղաքագիտությունն այս մասին տարրական ճշմարտություն է ասում՝ նրանք, ովքեր գլխավորում են նախընտրական ցուցակները, հավակնում են ունենալ պետական բարձր պաշտոններ, իսկ, ինչպես հայտնի է, ես հայտարարել եմ, որ ես այլևս չեմ զբաղեցնելու պետական բարձր պաշտոն: Ընդամենը ես իմ խորհուրդներով օգնելու եմ, եթե դրա անհրաժեշտությունը լինի»:

 

Հարցին, թե ինչո՞ւ չի հավակնում բարձր պաշտոնի, Սարգսյանն արձագանքեց.

 

«Ինչո՞ւ, շատ պարզ, ես համարում եմ, որ ավարտել եմ իմ ծառայությունը Հայաստանին և հայ ժողովրդին պետական բարձր պաշտոններում: Ունե՞մ այդպիսի իրավունք»:

 

Լրագրողները նաև հարցրին, թե ճի՞շտ են տարածվող այն լուրերը, թե Սերժ Սարգսյանն է կազմում նախընտրական ցուցակը:

 

«Ոչ, խնդրում եմ էս գլխից այդ պրովոկացիոն բամբասանքներին չհավատալ, ես կարող եմ հիմա այնպիսի լուրերի մասին խոսել, որ ձեր մազերը կարող է  բիզ-բիզ կանգնեն, բայց խոսքը դրա մասին չէ, մենք հավասար դաշնակիցներ ենք և այդպես էլ աշխատելու ենք»,- ասաց Սարգսյանը: