Հայաստանի Հանրապետական կուսակցություն

«Ես կարծում եմ, որ հանձնաժողովն ունի բոլոր հնարավորությունները՝ ամբողջական զեկույց պատրաստելու, որովհետև ինչպես իմ ներածական խոսքում ասացի՝ ապրիլյան ռազմական գործողություններից հետո ՊՆ-ն և ԳՇ-ն համատեղ փաստաթուղթ են պատրաստել մի հաստափոր, որտեղ մանրամասնորեն նկարագրված են գործողությունները՝ ինչպես մեր, այնպես էլ՝ հակառակորդի կողմից»,- այսօր լրագրողների հետ հանդիպմանն այս մասին ասաց ՀՀ երրորդ նախագահ Սերժ Սարգսյանը՝ ի պատասխան հարցի, թե արդյո՞ք ապրիլյան պատերազմի քննիչ հանձնաժողովի զեկույցն ամբողջական կլինի, եթե Յուրի Խաչատուրովը չի մասնակցել հանձնաժողովի անդամների հետ հանդիպմանը:

 

«Այնտեղ կա ամեն ինչ, հատկապես, որ այդ փաստաթուղթը ստեղծվել է ոչ թե ուրիշներին ցույց տալու համար, այլ ներքին օգտագործման համար: Իսկ դա նշանակում է, որ այնտեղ որևէ մեկին չեն խնայել, և՛ թերությունները, և՛ հաջողությունները ամբողջովին նկարագրված են: Բացի դրանից՝ գոյություն ունի առանձին ՊԲ-ի վերլուծությունը, և այս ամբողջը բավարար էր նույնիսկ ոչ մեկին չհրավիրելու և անելու, բայց դա իմ գործը չէ, դա հանձնաժողովի գործն է»,- ասաց Սերժ Սարգսյանը:

 

Ռազմիկ Մարտիրոսյան

 

168.am