Ծնվել է 1967թ. մարտի 18-ին Երեւանում։

Ավարտել է Երեւանի Ժողովրդական տնտեսության ինստիտուտը, սովորել նույն ինստիտուտի ասպիրանտուրայում։

1985-1987թթ. ծառայել է խորհրդային բանակում։

1994թ. հրավիրվել է ԵՊՀ հայոց պատմության ամբիոն` գիտական ատենախոսություն պաշտպանելու` նվիրված Ցեղակրոն եւ Տարոնական շարժումներին։

ՀՀԿ անդամ է 1993թ. հուլիսի 17-ից։

1993-1997թթ. եղել է ՀՀԿ խորհրդի անդամ, խմբագրել կուսակցության «Հանրապետական» պաշտոնաթերթը եւ «Ազգայնական մատենաշարը»։

1999թ. ԼՂՀ պաշտպանության բանակի սպայական դպրոցում կարդացել է հատուկ կուրս` «Ազգային գաղափարախոսության ներածություն»։

2000-2002թթ. Ազգայնական ակումբի շրջանակներում խմբագրել է «Դարձ» հանդեսը եւ «Ազգայնական միտք» շարքը։

2003թ. վերընտրվել է ՀՀԿ խորհրդի կազմում։ 2003-2012թթ. խմբագրել է ՀՀԿ «Հանրապետական» ամսաթերթը։

2005թ. դեկտեմբերից ՀՀԿ փոխնախագահն է գաղափարախոսական հարցերի գծով։

2012թ. մարտի 18-ին վերանշանակվել է ՀՀԿ նախագահի տեղակալ:

2012թ. դեկտեմբերի 15-ին (ՀՀԿ 14-րդ արտահերթ համագումար) վերընտրվել է ՀՀԿ գործադիր մարմնի անդամ,ՀՀԿ գաղափարական հանձնաժողովի նախագահ։

2014թ. մայիսի 24-ին (ՀՀԿ 15-րդ համագումար) վերընտրվել է ՀՀԿ գործադիր մարմնի անդամ, ՀՀԿ գաղափարական հանձնաժողովի նախագահ։

2016թ. նոյեմբերի 26-ին (ՀՀԿ 16-րդ համագումար) վերընտրվել է ՀՀԿ գործադիր մարմնի անդամ, ՀՀԿ գաղափարական հանձնաժողովի նախագահ։

Հեղինակ է երկու մենագրության`
1. «Ցեղակրոն եւ Տարոնական շարժումները», Եր., 2011թ.
2. «Ազգային գաղափարախոսության խնդիրների շուրջ», Եր. ,2008թ.։

Պարգեւատրվել է ՀՀ Պաշտպանության նախարարության «Գարեգին Նժդեհ» մեդալով (2003), ՀՀ վարչապետի հուշամեդալով (2006)։
Ամուսնացած է, ունի 2 զավակ։