Ծնվել է 1989 թվականի օգոստոսի 3-ին Երևանում:

 

ԿՐԹՈՒԹՅՈՒՆ

1996-2006թթ. սովորել և գերազանցությամբ ավարտել է Երևանի Ն. Զարյանի անվան    N 130 միջնակարգ դպրոցը:

1997-2004թթ. սովորել և գերազանցությամբ ավարտել է Երևանի Ա. Հեքիմյանի անվան N 13 երաժշտական դպրոցը:

2006-2010թթ. սովորել և գերազանցությամբ ավարտել է Երևանի Վ. Բրյուսովի անվան պետական լեզվաբանական համալսարանի Օտար լեզուների ֆակուլտետի բակալավրիատը՝մանկավարժություն բաժինը, անգլերեն-իսպաներեն լեզուներ:

2008-2009թթ. սովորել և ավարտել է ՀՀ սպորտի և երիտասարդության հարցերի նախարարության Երիտասարդական միջոցառումների կազմակերպման կենտրոնի Երիտասարդ առաջնորդների դպրոցը:

2010-2012թթ. սովորել և գերազանցությամբ ավարտել է Երևանի Վ. Բրյուսովի անվան պետական լեզվաբանական համալսարանի մագիստրատուրան՝ մանկավարժութուն բաժինը, անգլերեն լեզու:

2011թ.-ին սովորել է ՌԴ Ժողովուրդների բարեկամության համալսարանի (РУДН), ՌԴ սպորտի, տուրիզմի և երիտասարդական քաղաքականության նախարարության երիտասարդ առաջնորդների դպրոցում:

2011-2013թթ. սովորել և ավարտել է Հայաստանի պետական տնտեսագիտական համալսարանի Կառավարման ֆակուլտետի մագիստրատուրան՝ Պետական և մունիցիպալ կառավարում բաժինը:

2012-2021 թթ.  սովորել և գերազանցությամբ ավարտել է Երևանի Վ. Բրյուսովի անվան պետական լեզվաբանական համալսարանի ասպիրանտուրան:

2013-2014թթ. մասնակցել է Ռոբերտ Շումանի ինստիտուտի քաղաքական դասընթացներին և ստացել քաղաքական կրթության դիպլոմ:

Տիրապետում է անգլերենին, ռուսերենին, իսպաներենին: Հայերենը՝ մայրենի:

Հասմիկ Ափյանը 5 գիտական հոդվածների հեղինակ է:

Մասնակցել է բազմաթիվ տեղական և միջազգային վերապատրաստումների, սեմինարների, կոնֆերանսների:

ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅՈՒՆ

2012-2014թթ. աշխատել է Երևանի Վ. Բրյուսովի անվան պետական լեզվաբանական համալսարանում՝որպես ուսանողների հետ տարվող աշխատանքների գծով ռեկտորի խորհրդական:

2012-2018թթ. դասավանդել է «Անգլերենի քերականություն» և «Անգլերենը՝ որպես 2-րդ  օտար լեզու»   առարկաները Երևանի Վ. Բրյուսովի անվան պետական լեզվաբանական համալսարանի անգլերենի հնչյունաբանության և քերականության ամբիոնում:

2014-2017թթ. աշխատել է Երևանի Վ. Բրյուսովի անվան պետական լեզվաբանական համալսարանում՝ որպես ռեկտորի գլխավոր խորհրդական:

2017-2018թթ. դասավանդել է իր ատենախոսության շրջանակներում հեղինակած «Ուսանողական ինքնակառավարում» առարկան Երևանի Վ. Բրյուսովի անվան պետական լեզվահասարակագիտական համալսարանի մանկավարժության և լեզուների դասավանդման մեթոդիկայի ամբիոնում:

2017-2018թթ. աշխատել է Երևանի Վ. Բրյուսովի անվան պետական լեզվահասարակագիտական համալսարանի ուսանողների հետ տարվող աշխատանքների գծով ռեկտորի տեղակալ:

2018-2021թթ աշխատել է Երևանի Վ. Բրյուսովի անվան պետական լեզվահասարակագիտական համալսարանի  ուսանողների և հասարակայնության հետ կապերի հարցերով ռեկտորի տեղակալ:

2021թ.-ից առ այսօր ՀՀ Ազգային ժողովի «Պատիվ ունեմ» խմբակցության փորձագետն է։

ՀԱՍԱՐԱԿԱՆ ԵՎ ՔԱՂԱՔԱԿԱՆ ԳՈՐԾՈՒՆԵՈՒԹՅՈՒՆ

2003-2006թթ. եղել է Ն. Զարյանի անվան N 130 միջնակարգ դպրոցի աշակերտական խորհրդի նախագահ:

2008-2018թթ. եղել է Երևանի Վ. Բրյուսովի անվան պետական լեզվաբանական                                            համալսարանի գիտական խորհրդի անդամ:

2009-2012թթ. եղել է ՀՀ վարչապետին առընթեր ազգային երիտասարդական քաղաքականության խորհրդի անդամ:

2007-2009թթ. եղել է Երևանի Վ. Բրյուսովի անվան պետական լեզվաբանական համալսարանի Օտար լեզուների ֆակուլտետի ուսանողական խորհրդի նախագահ:

2009-2013թթ. եղել է Երևանի Վ. Բրյուսովի անվան պետական լեզվաբանական համալսարանի ուսանողական խորհրդի նախագահ:

2010-2013թթ. եղել է Հայաստանի ուսանողական ազգային ասոցացիայի քարտուղար:

2010-2017թթ. եղել է Երևանի Վ. Բրյուսովի անվան պետական լեզվաբանական համալսարանի խորհրդի անդամ:

2010թ.-ից առ այսօր ՀՀԿ երիտասադական կազմակերպության քարտուղարն է:

2011-2017թթ. եղել է ՀՀ Ազգային ժողովի Երիտասարդական խորհրդարանի առաջին և երկրորդ գումարման պատգամավոր:

2012-2015թթ. եղելէ ԵՎՐԱՍՏՈՒԴԵՆՏ V կոնսորցիումի ազգային թիմի անդամ:

2013-2015թթ. եղել է ՀՀԿ երիտասարդական կազմակերպության արտաքին կապերի հանձնաժողովի հիմնադիր-նախագահ:

2014թ.-ին շնորհվել է Երևանի Վ. Բրյուսովի անվան պետական լեզվահասարակագիտական համալսարանի ուսանողական խորհրդի պատվավոր նախագահ կոչումը:

2014թ.-ին  դարձել է Պարի միջազգային խորհրդի (CID )անդամ:

2014-2016թթ. եղել է Մարդու իրավունքների, քաղաքականության և հումանիտար պրոբլեմների միջազգային ասոցացիայի փոխնախագահ:

2014թ.-ից առ այսօր ՀՀԿ խորհրդի անդամ է:

2017թ.-ին  ՀՀ Ազգային ժողովի ընտրություններին Հայաստանի Հանրապետական կուսակցության ընտրական ցուցակով առաջադրվել է որպես պատգամավորի թեկնածու:

2019թ․-ից առ այսօր «Արարող սերունդ» նախաձեռնության համահիմնադիրն է։

2021թ.-ին  ՀՀ Ազգային ժողովի արտահերթ ընտրություններին «Պատիվ ունեմ»  դաշինքի ընտրական ցուցակով առաջադրվել է որպես պատգամավորի թեկնածու:

Ձեռքբերումներ

2005թ.-ին դարձել է «Իրավունք» առարկայի Երևանի քաղաքային օլիմպիադայի հաղթող:

2008թ.-ին արժանացել է Դ. Մենդելևի անվան կրթաթոշակակի գերազանց առաջադիմության և ակտիվ հասարակական գործունեություն ծավալելու համար:

ԵրևանիՎ. Բրյուսովի անվան պետական լեզվաբանական համալսարանի գիտական խորհրդի կողմից ճանաչվել է 2007-2008, 2008-2009, 2009-2010 ուսումնական տարիների լավագույն ուսանող:

2010թ.-ին պարգևատրվել է պատվոգրով ՀՀԿ նախագահ ՍերԺ Սարգսյանի կողմից ՀՀԿ 20-ամյակի կապակցությամբ և կուսակցական ակտիվ գործունեության համար:

2011թ.-ին պարգևատրվել է պատվոգրով Հայաստանի երիտասարդական հիմնադրամի գործադիր տնօրենի և «Բազե-2011» համահայկական երիտասարդական հավաքի տնօրենի կողմից «Բազե-2011» համահայկական երիտասարդական հավաքի կարմիր ճակատի ղեկավարի պարտականությունները բարեխղճորեն կատարելու և պատվավոր առաջին տեղը գրավելու համար:

2011թ., 2012թ., 2013թ., 2014թ., 2015թ., 2016թ., 2017թ. պարգևատրվել է շնորհակալագրով Երևանի քաղաքապետի կողմից՝ «Էրեբունի-Երևան» տոնակատարությունների միջոցառումներին մասնակցություն ցուցաբերելու և ներդրած ավանդի համար:

2013թ.-ին ՀՀ մշակույթի նախարարի հրամանով պարգևատրվել է շնորհակալագրով հայկական ժողովրդական պարի պահպանման և տարածման գործում ակտիվ մասնակցության, երիտասարդական ներուժի խթանման, ինչպես նաև Հայաստանի վաստակավոր կոլեկտիվ «Բերդ» պարային անսամբլի 50-ամյակի առթիվ:

2013թ.-ին ՀՀ վարչապետի որոշմամբ պարգևատրվել է ՀՀ վարչապետի շնորհակալագրով երիտասարդական ծրագրերի իրականացման աշխատանքներում գործուն մասնակցության և ունեցած նշանակալի ներդրման համար, ինչպես նաև երիտասարդության ու ուսանողության միջազգային տոների կապակցությամբ:

2013թ.-ին պարգևատրվել է պատվոգրով ՀՀԿ նախագահ Սերժ Սարգսյանի կողմից երիտասարդության համաշխարհային և ուսանողության միջազգային օրերի առթիվ երիտասարդական և ուսանողական ոլորտներում ակտիվ գործունեության և բարեխիղճ աշխատանքի համար:

2013թ.-ին ՀՀ Պաշտպանության նախարարի հրամանով պարգևատրվել է ՀՀ զինված ուժերի «Դրաստամատ Կանայան» մեդալով:

2015թ.-ին պարգևատրվել է ՀՀ Ազգային ժողովի պատվոգրով՝ուսանողության միջազգային օրվա և երիտասարդության համաշխարհային օրվա կապակցությամբ:

2016թ.-ին պարգևատրվել է Երևանի քաղաքապետի ոսկե մեդալով՝ երիտասարդության համաշխարհային և ուսանողության միջազգային օրերի առթիվ, Երևան քաղաքի երիտասարդության հարցերում ունեցած զգալի ներդրման և բարեխիղճ աշխատանքի համար:

2018թ.-ին պարգևատրվել է ՀՀ Ազգային ժողովի նախագահի հուշամեդալով:

2021թ-ին արժանացել է Ոսկե դափնի մրցանակի «Տարվա լավագույն երիտասարդական նախաձեռնություն» անվանակարգում՝ որպես «Արարող սերունդ» նախաձեռնության համահիմնադիր։

Ամուսնացած է: Ունի երկու երեխա :