Ծնվել է 1952թ. հունիսի 5-ին Երեւանում:

1977թ. ավարտել է Երեւանի պետական բժշկական ինստիտուտը: Բժիշկ: Բժշկական գիտությունների թեկնածու: Ռուսաստանի բնական գիտությունների ակադեմիայի իսկական անդամ: Պարգեւատրվել է «Մայրական երախտագիտություն» (1998թ.), Մարտական ծառայության (2001թ.), «Գարեգին Նժդեհ» (2002թ.) մեդալներով:

1974-1976թթ. աշխատել է թիվ 3 բուժսանմասի բուժակ, 1976-1977թթ. Երեւանի հանրապետական կլինիկական հիվանդանոցում` բժիշկ-ինտերն, 1977-1983թթ. Ղափանի միջշրջանային ուռուցքաբանական դիսպանսերում` ուռուցքաբան-թերապեւտ, 1983-1989թթ.` ՀՍԽՀ առողջապահության նախարարության Ղափան-Մեղրիի միջշրջանային դատաբժշկական փորձագետ: 1989-1992թթ. եղել է Ղափանի բժշկական ուսումնարանի տնօրեն, 1992- 2003թթ.` Երեւանի թիվ 1 հենակետային բժշկական ուսումնարանի տնօրեն: ՀՀ առողջապահության նախարարության միջին մասնագիտական բժշկական ուսումնական հաստատությունների տնօրենների խորհրդի նախագահ: ԵԿՄ անդամ:

2003թ. մայիսի 25-ին ԱԺ պատգամավոր է ընտրվել թիվ 53 ընտրատարածքից: ԱԺ գիտության, կրթության, մշակույթի եւ երիտասարդության հարցերի մշտական հանձնաժողովի անդամ: ՀՀԿ խմբակցության անդամ: ՀՀԿ խորհրդի անդամ:

Ամուսնացած է, ունի երկու երեխա: